தீப ஒளித்திருநாளான கார்த்திகை தீபத் திருநாள் அனைவராலும் கொண்டாடபட்டு வருகிறது. மனித வாழ்வின் இருளை விலக்கி ஒளியை கொடுக்கும் விதமாக கொண்டாடப்படும் இந்த கார்த்திகை தீபத் திருநாளில் ஈஷா யோக மையம் ஆயிரக்கணக்கான தீபங்களின் ஒளியால் பிரகாசித்தது.
குறிப்பாக ஈஷாவில் உள்ள தியானலிங்கம், லிங்கபைரவி, சூரிய குண்டம், நந்தி, ஆதியோகி உள்ளிட்ட இடங்களில் ஈஷா தன்னார்வலர்களும், பொதுமக்களும் அகல் விளக்குகளை ஏற்றி தீபத் திருநாளை கொண்டாடி மகிழ்ந்தனர்.
மேலும், சத்குருவால் பிரதிஷ்டை செய்யப்பட்ட தியானலிங்கம் உலகிற்கு அர்ப்பணிக்கப்பட்ட 24-வது ஆண்டு தினத்தை முன்னிட்டு சிறப்பு நாத ஆராதனையும் நடைபெற்றது. லிங்கபைரவி சந்நிதியில் பெளர்ணமி அபிஷேகமும், அதை தொடர்ந்து நந்தி முன்பு லிங்கபைரவி மஹா ஆரத்தியும் நடைபெற்றது.
